Tura/1

Amingokgre hatrani jaga

Idâ Dadenggre jawa potni tari ghopani ase. Hamabage Rs. 200 lage, ek din bokra. Ey hatrâni jagani toy nijâlâ pahar uthâ pangnirâ cestake caba pay. Ratirâ thakibâge toy khopra kinibâ pay aro jatilâ khawanglâ catiyâ caba pay. Baharla khawanglâ neba nade. Toge bhitur thiki kinibâ lage. Udâni akhli ghor, mutghor aro gaw dhowa ase.
Jhora aro gang

Turani aro kasakasini bakhar jhora aro gang ase, aro townlâ baharniu ase. Toy bâlâcorani aro pani korani bol khelaba pay. Toy bhandra khaba jaba pay ba hatribâw pay aro panini dango hil ba dhap thiki solsolake jhap deba pay. Nam kora bhandra khawa jagaglâ huse, Chibragre, Pelgawari, Ganol, Tebronggre, Rong'bangdare, Rombagre, Bansamgre, Sisobibra, Waribok, Mesakdare aro bakhar ase.
Gas Pahar

Turârâ adara pahar diyâ dhaka. Kintu mân barte ase beden thakibâge aro kat bokra paharglâ dini dini ses hoya jaba lagise. Sal gas, sigun gas aro robar gas lagabage mânglâ paharglâ sapa kore aro hagra khabagew. Paharglâni bugri-sugri, urisati, bona phul, gasni jala phul aro alga khawa hak-patglâ bhora.

Hil-gata

Toy kunudinâw hil-gata nâydekhe hule aro durlâ hil-gataglâ jabage sumây nathakile, Turalâ mayduni ekra ase, jidâ Te'teng hil-gata ke koy.

Tura Bajar

Garo Hillsni idâ bek câyâ ekra khoros kuribâge mânge taniyâ ana jaga, bakhar hajar mânglâ idâni bosre ahe. Idâ Garo Hillni kinâbesala maw-jaga.

Najing Bajar

Najing bajarra ekonda Sunibare khob kamla bajar. Idâ asol bajar thiki sare tin mâlni ase. Idâni Garo Hills thiki kinâbesaglâ bhoreha. Idâni phurti aro jhuk pay. Potglâ oto gâyrâ aro besaglâ sarike bohe. Sara bajare ghuribâ jur pay, rong pay aro mono jay. Roka phol kinibâge aro bahar thiki aha pinâni kapur besaglâ kinibâge idâ bhala jaga.

Nakham Bajar

Idâ hidullâ beden nam kora aro Tura bajarla pase ase. Hak-pat, phol, masang aro nananta masglâ pay.

Agpata<<<