Tura/0

Turani tiksi diyâ beran

Hat jagani lâysân thaka tiksiglâ tuyârke thake. Tiksiglâni tiksi lekha nâykâ beden potoni tiksi dhuribâ cohos nahoy. Townni tiksi thowa jaga thiki toy ekra dhuribâ pay. Sumo ba Bolero tiksiglâ dinuni Rs. 2500 pore. Otoglâ dam beden oto newara bhala buddi nahoy aro Turarâ tari jaga beden otora toge bek jaga bhay neba napay.

Townlâ baharni

Turani sara din jaga cawa pase ba bajar kuriyâ mujun ek dinâ ekra jhora bhay ja, monot rakhibâge. Toy bhandra khaba jaba pay, mas dhuribâ ba gaw dhoba pay. Toge rong hoya aro utkhatke rakhibâgon Turani khob bakhar ase!

Hatrâni Jaga
Ela Turani aro kasakasini duidâ hatrani jaga ase, kapur khuliyâ cubriyâ mujun totara jawabage jagara tamte bhala.

Gandhi Parak:
Idâ ekra jaga jidâni kam-sam nawa din bhola toy homasglâ ba ghor mânglâ loge khob bhalake sumây jawaba pay.

Teka deba laga:
Rs. 200/-, dangoglâlâ bokra, aro Rs. 20/- sawaglâlâ bokra.

Durama Kollejla barani arekra ase.

Sundare Hotel

Hotel
Tura duidâ khob bhala hotel ase.

Rikman
Idâ ghormânglâlâ hôy aro bajarni ase, adot bajarra khob âwâlke dekhe. Idâni AC khopra aro AC-nawa khopra ase. Idâ parti debage bhala jaga. Toy dinuni bereya mujun hurân hule, siri nauthike uphur bhay tuliyâ newa jaga ase. Idâni dango khopra ase aro khawan khabage AC-lâ khopra ase, jidâni bereya-tereya jaga câyâ hurân howaglâ bhala khawan pabo. Mati-talani bek jatla dokanglâ ase.

Sundare
Idâw bajarni ase. Idâniu AC khopra aro AC-nawa khopra ase. Siri nauthike uphur bhay tuliyâ newa jaga ase aro khawan khabage AC-lâ khopra ase, jidâni ratirâ rong hobage aro nijâlâ mon khawara loge khawan khabage khob bhala jaga. Sosta nahoy, kintu khawanglâ khob bhala beden bakhar dor hoba lage. Rong hoya kha! Mati-tala aro ek-talani ni bek jatla dokanglâ ase.

Agpata <<< >>> Paspata