भाषाएँ

পাহাড়

তুৰৗনি আৰ কাসাকাচিনি তিনটৗ পাহাড় আছে।

তুৰৗ পাহাড়
ইদৗ উজৗন ভায় আছে, মেগ আহা আগে উঠিবৗগে খুব ভালা জাগা।পাহাড় মাথানি যৗয়ৗ পাবাগে আধা দেৰ ঘণ্টা হেনা লাগে, তলা জুৰলৗ উফুৰনি হুবো।পাহাড় মাথানি জাৰ আছে বেদেন তুতা জাগালা মৗনগ্লৗ গৰম কাপোৰ নেবা লাগে।উফুৰনি দোকান নৗই বেদেন খাৱা বা বিস্কুত নেবা লাগে। উদৗনি বাখাৰসা গাছনি জালা ফুলগ্লৗ আৰ পুখীগ্লৗ আছে, দক্রা-চিক্রৗ।ইদৗ খুব গাছ-বাশ জংগল দিয়ৗ ভৰা।কিন্তু এলালা দিনগ্লৗনি মৗনগ্লৗ থাকিবৗগে জাগা দেখেল কৰে আৰ খুড়ি কাটে।

ৰংগিৰৗ পাহাড়
ইদৗ নেবৰা-ভাটি ভায় আছে।এক ভলা ইদৗ খুব গাছ-বাশ জংগল দিয়ৗ ভৰা হবান, কিন্তু হাগ্রা খায় বেদেন এই পাহাড়ৰা এলা সাক্‌লে তাকতাকা হবা ধুৰিছে। তইৰৗ থিকি গাড়ি দিয়ৗ যাবাগে ১ ঘণ্টা লাগে। ভিয়ৗন-খাৱালা পাছে, দিফুৰ-ভাতদা টোপলা বানক, যাতে তই বুসিয়ৗ খাবা পাবো আৰ এক দুই ঘণ্টা ৰং হয়া চাবা লাগা জাগাগ্লৗ চাবা পাবো। ইদৗ উঠিবৗগে ৩ বা ৪ ঘণ্টা লাগে, তলা যাবা পাৱা জুৰলৗ উফুৰনি। পথদা বেকুন তাৰি উঠিবৗ লাগা। কুনবৗনি পথদা খাড়া, কিন্তু যি ভলাই তই পাচ ভায় চায়, সগল ভলাই নিজৗলৗ উঠিবৗ জাগাৰা তই দিখিয়ৗ মুছৗ খাবো। বেলাডুবৗৰৗ চাবাগে ইদৗ খুব ভালা জাগা।

নেকৰেক পাহাড়
ইদৗ গাৰ শিলচনি বেক চৗয়ৗ উক্সৗ পাহাড়, আৰ ইনদিয়ৗলৗ একৰা নেচেনাল পাৰক। ৰাতিৰৗ থাকিবৗগে জাগা আছে, তে পাহাড়লা অৗৱৗলৰৗ চৗয়ৗ ৰং সবাগে ৰাতিৰৗ থাকিবৗগে যুক্তি পাকাও। তলা দিনি কাৱস্লিগ্লৗ আৰ চিন্তৗগ্লৗ ইদৗনি মনত পাস্রিয়ৗ ফেলাবা পায়।এই পাহাড়গ্লৗনি যাৱা ভলা সগল ভলাই জগগ্লৗ ভালাকে চা

আগপাটা<<<