भाषाएँ

ধাৰা

গাৰ শিলচনি মাধাই ধাৰা আছে, কিন্তু ধাৰাগ্লৗ বাখাৰে পাহাড়লা বাখা দূৰনি আৰ ভিতুৰগ্লৗনি আছে। তই তলা গাড়িৰৗ কুনবৗ ঠৗই থোয়া ঠেং দিয়ৗ বেৰাবা লাগিবো, আৰ এক দিনৗতে ফিৰিয়ৗ আহিবৗগে তাল নৗই।

পেলগৗ ধাৰা
পেলগৗ ধাৰাৰা চাবাগে তাল নাহাৰাও। ইদৗ তুৰৗ থিকি যাবাগে আধা ঘণ্টা লাগে, ৰাংগিৰা পাহাড়লা গোৰনি আছে। উদৗনি পানী উপৰ দিয়ৗ দুৰিলৗ সাওক আছে, ফতও তোলিয়ৗ ঘৰ ভায় আনিবৗগে খুব ভালা জাগা। ইদৗ একৰা জাগা, যিদৗনি তই সোমাশগ্লৗ লগে খুব ভালা সুমৗয় পাবো।

গানদৰাকদাৰে ধাৰা
তুৰৗনি, পথ কুলাতে গানদৰাকদাৰে ধাৰা আছে। ইদৗ তুতা দিন ভলা পানী শুকৗয়, কিন্তু বৗর্ষৗ হুলে, পানীগ্লৗ পথ উপৰ দিয়ৗ উৰিয়ৗ যায়।

নেংসংগৰাপ ধাৰা
তানে তুৰৗ পাহাড়লা মাইদুনি নেংসংগৰাপ ধাৰা আছে। তগে তাৰি উঠিবৗ লাগিবো, এক ঘণ্টা লাগে। দুৰবিন নিয়ৗ যাবা মনত নাপাস্রিক। গোটাই তুৰৗ তাউনদৗ চাবাগে ইদৗই বেক চৗয়ৗ ভালা জাগা।

ঙেসাকদাৰে ধাৰা
ইদৗ ৰংৰামলা কান্‌দানি আছে, গাড়ি দিয়ৗ যাবাগে আধা ঘণ্টা লাগে। পুলিস ঠিকনৗলৗ কান্‌দা থিকি ভাতো ভায় ঘুৰিবৗ লাগে, তুৰৗ থিকি যালেকন।

ৰংবাংদাৰে ধাৰা
ৰংবাংদাৰেৰা আৰেকৰা ধাৰা, ৱিলিয়ৗম নাগাৰলা যাৱা পথনি আছে। তুৰৗ থিকি গাড়ি দিয়ৗ যাবাগে দেৰ ঘণ্টা লাগে। কান্‌দানি চাবাগে তগে ঝৰাৰা পাৰ হবা লাগিবো। পানী ভিজিবৗ নাচালে, পাৰ সবাগে দুৰি দিয়ৗ বানানি সাওক আছে, কিন্তু যোগ আছে, ভালাকে চা, যিগ্লৗ থুপ বানিয়ৗ গাছ উফুৰ থিকি পুৰি।

ৰমবাগেৰে
দুই বা দেৰ ঘণ্টা তুৰৗ থিকি গাড়িনি যাবা লাগে। ভান্দ্রা খাবাগে খুব ভালা জাগা। চিন লিখাগ্লৗ দিখিলে ঝিৰৗও আৰ ভালাকে পুৰক। তই চিন লিখাগ্লৗ দিখিয়ৗও নামানিলে আৰ গাওলা মৗনগ্লৗলৗ ভাগলা জাগা থিকি মাছ মাৰিলে, দুন্ডি দেবাগে টেকা তুয়ৗৰকে থো।

আগপাটা<<<