भाषाएँ

দাঙ গুতি

যিছেগৗ আগেলা দিনগ্লৗ যি ভলা চাৱাগ্লৗ দাঙ গুতি খেলা বান। ইদৗ খেলাবা সহজ। একৰা আধা মিতাৰলা বাৰি আৰ সুটু গাছ গুতি ছৗই নেও আৰ মাটিনি সুটুকে এক আঙুল গাতা খুনিক আৰ গাতা থিকি আধা মিতাৰ পাশে ৰেগ দি। তানে গুতিৰৗ গাতানি থোয়া বাৰি দিয়ৗ চেতগেয়া দি, যাতে গুতি দিয়ৗ বাৰিৰৗ তাকাবা নাপায়। তাকাবা পালে, তই মুৰিবো আৰ আলগাগন খেলাবা দেবা লাগিবো। গুতিৰৗ চেতগেয়া দেৱালা পাশেকে তলা বাৰিৰৗ ডাঙাবা নাপালে, তানে তই গুতিৰৗ গাতা থিকি বাৰি দিয়ৗ দাঙেয়া তোলিয়ৗ মুজুন দূৰ ভায় জুৰেকে দাঙেয়া দি। তানে যত দূৰ গুতিৰৗ চেতগেয়া যাছে, উদৗ থিকি গুতি দিয়ৗ গুনিয়ৗ গাতা ভায় আয়। এক গুতি মানে মানে এক গেম। আবাৰ আগেলা হেনায় খেলাও। যত সুমৗয় পৗয়ৗ গুতিৰৗ দাফৗ তাকাবা নাপায় তাপতে এক জনদা খিলেয়াই থাকিবৗ পায়। গুতিৰৗ তাকাবা পালেহে, তই আলগাগে খেলাবা দেবা লাগে।