भाषाएँ

খবৰবাতৰা

বিশৗস কৰা পাল:

Sangkurpur's Churchবিচ্রৗবিচ্রি কুৰিয়ৗ, এলাও এক সাই হাজং গীৰ্জৗ পাছে, যিদৗ গাংকুৰপুৰ গাওনি আছে, অসমলা ধিমাযি অঞ্চলনি। এই গীৰ্জৗনি ৪৫চৗযৗ বিসি জন বিশৗস কৰা মৗন আছে আৰ এই গীৰ্জৗনি এক জন হাজং মানে দেওচী হয়া কাম কৰে। আৰ বিশয়ানাথ চাৰীয়ালি জাগানি ৩ ঘৰ বিশৗস কৰা পালগ্লৗ (৯ জন) আছে আৰ লাখিমপুৰ তাউননি ১ ঘৰ বিশৗস কৰা পাল আছে (৩ জন)।

মেঘালয়ানি সিলংনি, ১ ঘৰ বিশৗস কৰা পাল আছে (৫ জন), আৰ ভাতাৰৰা বাঙালি গীৰ্জৗনি ধুপধুৰি কাম কৰে। তুৰৗনি ৫ বা ৬ জন আছে। তুৰৗলা বাহাৰনি ৭ ঘৰ বিশৗস কৰা পাল আছে।
এক জনদা গাৰ গীৰ্জৗনি দেওচী হয়া কাম কৰে আৰ এক জন গাৰ গীৰ্জৗনি ধুপধুৰি কাম কৰে। আৰ কুমায়বা-কুমায়বা আছে হুম, যালা বেদেন অৗমৗগ্লৗ খবৰ নৗই পায়।

বানা গোৰা:

হাজংগ্লৗ খুব তাম্তে বানা গোৰাবা জুয়া পায়। তগে হাজংগ্লৗলৗ ভিতুৰনি থাকিবৗ লাগা হুলে, তগে নৗইভিয়ৗনতে বানা গোৰালা শব্দতে ঘুম থিকি উঠিবৗ লাগিবো। জাতি হিসৗবে, তিমৗতগ্লৗহে বানা গোৰাৰা চাবান, কিন্তু এলা মৰতগ্লৗও নিজৗলৗ পেট পালিবৗগে বানা গোৰায়। উগ্লৗলৗ বাখাৰ সোমাশগ্লৗ বয় পোৰা ঘৰ ভায় জালেও, বয় পোৰা সাৰ দেৱা তিমৗতগ্লৗ নিজৗলৗ মাৱগ্লৗগে বানা গোৰানি হাতাপাতিকে দেয়। আৰ দেৱা ভলা অই নিজৗলৗ ঘৰ মৗনগ্লৗগে চালায় আৰ ইংকৗকে যুগ-যুগলৗ শিকৗগ্লৗ বাচেয়া ৰাখে। দুকলৗ কটা, বাচিয়ৗ থাকিবৗগে বাখাৰ টেকা কৗমৗই কুৰবৗ নাপায় বেদেন বানা গোৰাবা পাৱা মৗনগ্লৗ কুমিবৗ ধুৰিছে। আৰ জিনিচ কিনিবৗগে আৰ তাত বসাবাগে খুব টেকা লাগে বেদেনও কুমিবৗ ধুৰিছে। চৰকাৰ থিকি কম টেকা দিয়ৗ জিনিচ পালেও, জিনিচজৗ বিশি ভালা নাহয়। এলা বানা গোৰা মৗনগ্লৗ বাখাৰ জনে হৗজিৰৗ হুছেগৗ। বানা গোৰাবা পাৱাৰা আগ ভায়লা মৗনগ্লৗ পায়তে থাকিবো না নাথাকিবো কে পোৰা-লিখা থাকা চিংৰাগ্লৗ চিন্তৗ কৰে। বানা গোৰা মৗনগ্লৗ বাখাৰ টেকা দেবা নাপায় বেদেন নিজৗলৗ পেট পালিবৗগে তাউন ভায় লুৰিবৗ ধুৰিছে। বাখাৰ জনে চাকৰ হয়া পেট পালে। কুনবৗগ্লৗ কুপাল ভালাতে আলগা জাতগ্লৗ নিজৗলৗ জাতলৗ কাপোৰ গোৰাবাগে ৰাখে আৰ মাছে-মাছে দৰমাহা দেয়।